Our Lady Of Flight Church is a Roman Catholic Church in Cunchelim, Mapusa, Goa India.

Ganvchea nanvacho orth mellunk na. Hi ek HAL'LI mhonnge ek ganv; punn kosli HAL'LI? KUNCH+HAL'LI. KUNCH hea utracho orth mellunk na: Mons. Dalgado KUCHI mhonn ek, utor dita ani tea utracho orth mhollear POTT. To ganv vo hal'li ek POTT koxem diso kai? Ani tea pottant zhaddam-peddam kirlun voir sorlolim zait; ozun KUNCHELECHO GANV zhaddam-peddamnim bhorlolo asa. Moratthint KUNCHA mhonn ek utor asa ani techo orth mhollear "BRUSH' (Inglezintlean) dila.

Survek san "Kuncheli" Mhapxenche firgojent poddtali ani hea ganvche komunidadin Mhapxechi igorj bandhunk duddvam-adhar dil'lo; hech igorjek 1838 vorsa uzo laglo ani ti ulpoli tedna-i, durusti keli Kunchelche komunidadin adhar dil'lo.

Adlea kallar Kunchele BARAZONN mhonn aslet; ho BARAZONN zaun aslo ek ZAGO zhoim ganvche vhoddil GANVPONN cholounk ekttovtalet; oxem soglleanch ganvamnim ghoddtalem. osleo zomati bhorunk MANDD mhonn aslo vo CHAVDDI. Hea MANDDAR bhasabhas korun, ganvchim zogddim ba mittoitalet ani ganvant xanti haddtalet.

Kunchelchea ganvant bhov adim san (voros mello na) ek kopel bandhlolem ani tem Fuga de Nossa Senhora (Saibinnichem pollaian) heka bhettoilolem. Saibinn Mai ani Juze, Ballkak gheun, Ejiptak pollun gelolim techea ugddasak hem kopel bhettoilolem. Hem kopel Mhapxenche. Igorje san 4OOO metr pois urtalem; mornnam ba korunk borem kotthinn zatalem; toxench Bautism, lognam, itiadi. Tem kopel magir vaddounk Dez. 20ver, 1847 vorsa, porvangi, poddli; tedna Dom Jose Maria da Silva Torres Goencho Arsebisp aslo. Halinch outubrache tisrer 1977 vorsa hea kopelak firgojecho vo igorjecho dorzo favo zalo. (30-10-1977).

Hi igorz - adlem kopel - chodd vhoddli nhoi; rostea kuxikuch ubhi asa; sorvbhonvtim tenkun-tenkun goram asat. Kopelanvak ravunk ek ghor bandhlolem tem 1952 vorsa adim jedna Pri. Cupertino Pereira kopelanv also. Kopela fuddeant ek poddvi (alpendre) ubharloli ti ghoddiek zait 1963 vorsa; tedna Pri. Jose Nazare kopelanv also. Adrar ek Khuris asa.

Ganvchea nanvacho orth mellunk na. Hi ek HAL'LI mhonnge ek ganv; punn kosli HAL'LI? KUNCH+HAL'LI. KUNCH hea utracho orth mellunk na: Mons. Dalgado KUCHI mhonn ek, utor dita ani tea utracho orth mhollear POTT. To ganv vo hal'li ek POTT koxem diso kai? Ani tea pottant zhaddam-peddam kirlun voir sorlolim zait; ozun KUNCHELECHO GANV zhaddam-peddamnim bhorlolo asa. Moratthint KUNCHA mhonn ek utor asa ani techo orth mhollear "BRUSH' (Inglezintlean) dila. Survek san "Kuncheli" Mhapxenche firgojent poddtali ani hea ganvche komunidadin Mhapxechi igorj bandhunk duddvam-adhar dil'lo; hech igorjek 1838 vorsa uzo laglo ani ti ulpoli tedna-i, durusti keli Kunchelche komunidadin adhar dil'lo. Adlea kallar Kunchele BARAZONN mhonn aslet; ho BARAZONN zaun aslo ek ZAGO zhoim ganvche vhoddil GANVPONN cholounk ekttovtalet; oxem soglleanch ganvamnim ghoddtalem. osleo zomati bhorunk MANDD mhonn aslo vo CHAVDDI. Hea MANDDAR bhasabhas korun, ganvchim zogddim ba mittoitalet ani ganvant xanti haddtalet. Kunchelchea ganvant bhov adim san (voros mello na) ek kopel bandhlolem ani tem Fuga de Nossa Senhora (Saibinnichem pollaian) heka bhettoilolem. Saibinn Mai ani Juze, Ballkak gheun, Ejiptak pollun gelolim techea ugddasak hem kopel bhettoilolem. Hem kopel Mhapxenche. Igorje san 4OOO metr pois urtalem; mornnam ba korunk borem kotthinn zatalem; toxench Bautism, lognam, itiadi. Tem kopel magir vaddounk Dez. 20ver, 1847 vorsa, porvangi, poddli; tedna Dom Jose Maria da Silva Torres Goencho Arsebisp aslo. Halinch outubrache tisrer 1977 vorsa hea kopelak firgojecho vo igorjecho dorzo favo zalo. (30-10-1977). Hi igorz - adlem kopel - chodd vhoddli nhoi; rostea kuxikuch ubhi asa; sorvbhonvtim tenkun-tenkun goram asat. Kopelanvak ravunk ek ghor bandhlolem tem 1952 vorsa adim jedna Pri. Cupertino Pereira kopelanv also. Kopela fuddeant ek poddvi (alpendre) ubharloli ti ghoddiek zait 1963 vorsa; tedna Pri. Jose Nazare kopelanv also. Adrar ek Khuris asa. Hi supurlich igorz Pri Eduardo de Souza vigaran mhaka dakhoili ani kaim mahiti dili. Techea pormonnem, hi hal'li DEV-MATECHE IGORJE khal asli zait; hi igorz Ganvxeavaddea, Xivole, 1568 vorsa sthaploli; Ganvsa-vaddo Kunchelek pois na. Aniek mot asa tea pormonnem,Kuncheli Kolvaleche igorje khal asli; Kolvalechi firgoz 1591 vorsa sthaploli, zoxem Frei Clement de Santa lria, ho Fransiskani itihaskar suchoita; ghoddiek oxem zait kiteak Mhapxeam ozun firgoz sthapunk nasli, ti sthapun ietoli fokot 1594 vorsa - tin vorsam uprant.

Igorjent, modhlo altar mhollear Korintian kolecho ani teka bhangaracho lep kaddla. Modhekot altarar "POLLUN VETI SAIBINN" asa ani tichea uzveak Santa An'na ani daveak Sant Juze. Bazunk altar nant punn uzvea konxeak Jezu Moriechem Kalliz dakhoilam ani davea konxak Saibinn asa.

Website Designed By:
© Jason Mascarenhas
Email: jason.wd.goa@gmail.com